Балаларды жол жүру ережелеріне үйрету шаралары - Жамбыл атындағы № 1 орта мектеп

балалардың қауіпсіздігін қамтамасыз ету мақсатында «Абайлаңыз, балалар!» атты акцияға байланысты өткізілген жиналыстың кезектен тыс

admin — Mon, 02 May 2022 12:22:25 +0600

«№1 Жамбыл атындағы орта мектебі» МКМ

балалардың қауіпсіздігін қамтамасыз ету мақсатында «Абайлаңыз, балалар!» атты акцияға байланысты өткізілген жиналыстың кезектен тыс

№2 Хаттамасы

28 сәуір 2022 жыл

Сағат 12:00

Бақбақты ауылы

Мактеп әкімшілігі, сынып жетекшілері- 13

8-11-сынып оқушылары

Балқаш АПБ-нің ЖПҚБ ЮПТ аға УПИ полиция майоры О.А.Садырбаева

Күн тәртібінде: Құқық бұзушылықтың алдын-алуда, кәмелетке толмаған балалардың құқығы жөнінде, келеңсіз жағдайлардың алдын-алып болдырмаудың жолын қарастыру, АПБ-нің қызметкерлерімен бірігіп атқарылатын жұмыс жоспары бойынша кездесу өткізу, жолда жүру ережелерін сақтау.

Тыңдалды: ДТІЖО Толыкбаев Д.Д.

Қайырлы күн! Құрметті ұстаздар, оқушылар!

Мақсатымыз, мектепте балалардың қауіпсіздігін қамтамасыз ету, оқушылар арасындағы құқық бұзушылықтың алдын-алу мен қауіпсіздік шараларын жетілдіру. Республика бойынша «Абайлаңыз, балалар!» атты ауқымды акция басталды. Бұл жоба аясында мектеп оқушылары жол жүру ережелерін ғана емес, көшеде өз қауіпсіздігін қамтамасыз етуді де үйренеді. Осының бәрі АПБ-нің қызметкерлерінің үйретуімен болады. Оқу жылының аяғы, жол қозғалысы қайнаған шақ. Абыр-сабыр. Бұл кезде жаяу жүргіншілердің де қатары артады. Дені-мектеп оқушылары, бүлдіршіндер. «Балалар мектепке келгенге дейін, яғни таңғы сағат 7.30-дан 9.30-ға дейін, сосын 12.30-дан 14.30-ға дейін біз бақылап, қадағалауда ұстаймыз. Кешкі уақытта 17.30-дан 19.30- ға дейін осы мектептердің алдындағы жаяу жүргіншілер жолағы бойында тұрып, оқушылардың қауіпсіздігі үшін қызмет атқарамыз».

Балқаш АПБ-нің ЖПҚБ ЮПТ аға УПИ полиция майоры О.А.Садырбаева

оқушылар тарапынан қойылған сұрақтарға қысқа да, тұжырымды жауаптар беріп,

ой-пікірін ортаға салды.

Жолда жүргенде қандай ережелерді сақтау міндетті?
Аудан бойынша жасөспірімдердің арасында қандай құқық бұзушылықтың түрлері көп тараған?
Қылмыс жасағаны үшін жасөспірімдерге қандай жазалар қолданылады?
Кәмелеттік жасқа толмаған жасөспірімдерді жазалаудың ерекшеліктері туралы айтып өтсеңіз?
Жасөспірімдер көбінесе қандай қылмыс түрлерін жасайды?
Қазіргі уақытта жасөспірімдердің түнде көшеге шығуы кездеседі, осыған қандай шаралар қолданасыздар?

Балқаш АПБ-нің ЖПҚБ ЮПТ аға УПИ полиция майоры О.А.Садырбаева

Мектеп пен жанұяда жақсы қасиеттерді бойға сіңіріп, тәрбиелі, мәдениетті, білімді адам болуға ұмтылуымыз керек. Құқықтық сауатсыздық, өз құқығы мен міндетін білмей, басқаның құқығын сыйламаудың кесірінен көптеген келеңсіз жағдайларға кезігіп отырамыз.

Қаулы:

Кәмелетке толмағандар арасындағы құқық бұзушылық пен қылмыстың алдын-алу және оны болдырмау бағытында іс-шараларын жүргізе отырып, ата-аналар, мектеп әкімшілігі, сынып жетекшілер тарапынан жасөспірімдер арасында құқық бұзушылыққа жол бермеу, бақылауды күшейту арттырылсын.
Оқушыларға оқу-тәрбие үрдісінде жағдай жасауда, өмір қауіпсіздігін сақтауда ата-аналар жауапкершілігі арттырылсын.
Жолда жүру ережелері қатаң сақталсын.

Мектеп директоры Қамзина Б.М.

ДТІЖО Толыкбаев Д.Д.

Балаларға жол ережесін үйретейік!

admin — Tue, 01 Mar 2022 02:46:11 +0600

Балаларға жол ережесін үйретейік!

Қоғам үшін баланың денсаулығы мен өмірінің қауіпсіздігі- ең басты байлық . Сондықтан мектепке дейінгі ұйымдарда жолда жүру ережелеріне үлкен көңіл бөлінуде. Статистика бойынша, өкінішке орай , жол апаттары көптеп болуда. Соның ішінде балалардың жол апатына душар болуы жоғары көрсеткішті көрсетеді.
Сол себепті балалардың өмірінің қауіпсіздігі дағдыларын мектепке дейінгі кезеңде қалыптастыру қажет. Жол заңы дұрыс жүріп, абай болуды талап етеді. Жол тәртібін бұзба, ол қатер тудырады. Жолдың қалыпты қозғалысы көбінесе балалардың жол бойында қалай болса солай жүріп, доп қуалайтыны, жүріп бара жатқан машинаға жабысатыны, қалтарыстан жолға шығып келетіні салдарынан бұзылады. Жол тәртібін бұзғандықтан кейбірулер машина дөңгелегіне ілініп қаза тауып, кейбіреулері жарақат алады. Кейбіреулері өмірлік мүгедек болып қалады.
Балалар жолда жүру заңын сіз бен бізден үйренеді. Балалар үлкендердің жүріс-тұрысының жақсы жағын да, жаман жағын да қабылдайды. Көп жағдайда балалар жолда жарақат алып, түрлі жағдайға ұшырап жататыны көлік жүргізушілерінің ғана кінәсінен емес, ол көбінесе балалардың жол жүру ережесін білмегендіктен болады. Балаларға жолда жүру ережелерін үйретіп, үнемі оған үлгі көрсетіп және жүріс-тұрысын қадағалап, балаларды көшеде болатын қауіпті жағдайлардан сақтандыру әрбір ата-ананың міндеті.
Мектеп және мектепке дейінгі мекемелерде балаларға арнап «Жолда жүру ережесі» тақырыбында оқу іс-әрекеттері және түрлі шаралар ұйымдастырылып өткізіледі. Сондықтан әрбір бала үйретілетін «Жолда жүру ережесі» тақырыбындағы іс-әрекетті мұқият тыңдап, өткізілген іс-әрекеттен қорытындыжасап отыруға міндетті. Балаларды жолда жүру ережелерімен таныстыру мақсатында ойындар, әңгімелер, серуен кезіндегі ойын түрлері, конкурстар, сұрақ-жауаптарды кеңінен қолдану, балалардың жол ережесі туралы түсініктерінің қалыптасуы мен білімдерінің жетілуіне көмектеседі.
Балаларды жол жүру ережелеріне үйрету- ата-ана мен үлкендердің тұрақты, үздіксіз жұмысы. Бағдаршам белгілерімен, жолда жүру ережелерімен, жаяу жүргіншілер жолы, көше жиегіндегі жолдармен (тротуармен) таныстыруды жүзеге асыру көзделген. Балалар өмірінің қауіпсіздігін қамтамасыз ету үшін , оларды жол жарақаттарынан сақтау үшін алдымен жолда, көшеде жүру ережелерін, жолда жүру тәртібін үйретуіміз керек. Үйде ата-ана, мектепке дейінгі ұйымда балабақша тәрбиешілері бірлесіп, балаларға жол ережелері туралы үйретер болсақ, балалар жол апатының алдын алар едік.
Құрметті ата-аналар мен ересектер!
Балалық жол-көлік жарақаттары ең ауыр, бірақ олармен балаларды қорқытуға болмайды. Үлкендердің мақсаты-көшедегі тәртіп ережелерін баласына үйрету және олар үшін өнеге болу.
Есте сақтаңыз:
Кішкентай жүргіншілер жақсы мен жаманды үлкендерден үйренеді. Сондықтан әрқашан және барлық жерде қызу қозғалыстағы қала көшелерінде, тар ауыл аралық жолда «Жол қозғалыс ережелерін» сақтаңыз.
Білгеніміз жөн!
Балалардың жол үстінде қайғылы оқиғаларға ұшырауының негізгі себебі-жол қозғалысының қарапайым ережелерін сақтамау болып табылады. Өз қауіпсіздігің үшін мына ережелерді мықтап есте сақта!

Жүріп бара жатқан автобус не маршруттық таксиде барлық кезде тұтқадан ұстап тұр.
Ролик, велосипед және скейтборд тепкенде мұқият және абай бол.
Жолдың арғы бетіне тек бағдаршам тұрған немесе жаяу жүргінші өтетін жерден өт.
Тек қана бағдаршамның жасыл түсі жанғанда ғана жолдан өт.
Жүріп бара жатқан көлік алдынан кесіп өтпе.
Жолдың көлік жүретін бөлігінде ойнама.
Егер жаяу жүргінші жүретін жол жоқ болса, онда көлік қозғалысына қарама- қарсы жолдың оң жағымен жүр.