Білім беру ұйымдарын бағалау
 өлшемшарттарына
 17-қосымша

 Оқу, көркем және ғылыми әдебиеттер қорының болуы туралы мәліметтер ________________________________________________________________  (Білім беру ұйымының атауы) (______________ Жағдай бойынша)

       Білім беру ұйымының басшысы ____________________________________ ______ 

       (Тегі, аты, әкесінің аты (болған жағдайда) (қолы) 

     Қазіргі заман талабына сай болашақ ұрпақтың оқып білім алуын еліміз бірінші орынға қойып отыр. Білім беру мен білім алудағы атқарылатын қарқынды жұмыс ұстаздардың еншісінде екені айтпаса да белгілі. Осы орайда ұлы педагог Ушинскийдің «Бала – балқытылған алтын» деген қанатты сөз бірден ойға түседі. Балаға қалай бағыт берсең, солай өседі. Сондықтан баланың бойында жақсы қасиеттердің болуына, олардың жан- жақты дамуын, рухани бай тұлға қалыптастыра білуіміз керек. Оқытудағы жаңа тәсілдерді пайдалана отырып, оқушы бойында өзіне деген сенімділік пен жауапкершіліктерді дамыту болып табылады.

    Мемлекет басшысы Н. Ә. Назарбаев: «Болашаққа бағдар: Рухани жаңғыру» атты мақаласында «Білімді, көзі ашық, көкірегі ояу болуға ұмтылу – біздің қанымызда бар қасиет» -, дейді. Шынында, баланың білімге құштарлығы мен қызығушылығы бастауыш сыныптан бастау алары сөзсіз. Бастауыш сыныптан бастап баланың жан – жақты ашылуы оның білімге қызығушылығы оянады. Қазіргі таңдағы өз сыныбыңдағы үздік оқушылардың жетістігі осының дәлелі. Олар осы көрсеткіштері арқылы болашақта, ел дамуының жарқын үлгісі мен келелі ой, салиқалы пікір, батыл шешімдер қабылдай алады.
 
 Олардың жаңа технологиялық әдіс - тәсілдерді тез меңгеруі ата – аналарынан, ұстаздардың өзінен көш ілгерілеп, кең ауқымдап озып келеді. Әрбір оқушының қабілеті көз ілеспес жылдамдықпен дамуда. Жаңа бағдарламалар күн сайын емес ай сайын жаңаруда. Елбасымыздың өзі білімді бәрінен де биік қоятын ұлт қана табысқа жететінін айтқан. Олай болса, менің осындай оқушылардың  болашақта білімнің биік шыңын бағындыратынына сенімім мол.

  Кітап – адамзат баласының баға жетпес асыл құндылығы. Білім мен мәдениеттің биік белестеріне жетелейтін – тәрбие құралы. Шығыс ойшылы Науаи: «Кітап – ақылына ақы сұрамайтын алтын қазына» десе, Абай атамыз «Танымның бар тамашасы – кітапта, оған қол жеткізу үшін кітап оқудан жалықпа», «Артық ғылым кітапта, ерінбе оқып көруге» деп насихаттайды. Мағыналы сөздерден кітап оқудың кез келген тұлғаны дамытудың қайнар көзі. Халықтың осындай жан азығынан, рухани байлықтан қол үзіп бара жатқандықтан, мемлекет тарапынан дабыл қағылып жатыр. Президентіміз Қасым-Жомарт Тоқаев: “Кітап оқу – рухани кемелденудің көзі. Қазіргі уақыт – секунд сайын жаңарған ақпарат заманы. Алтын уақытымызды пайдалы істерге жұмсағанымыз жөн”, – деп әр тұлға оқуға тиіс деп санайтын отыз таңдаулы кітаптың тізімін ұсынған болатын. Қазір осы бағытта маңызды бағдарламалар жасалуда. Адамзат ақыл-ойының жиынтығы- кітапта болса, білім – соны сақтайтын қазыналы сандық.

Мемлекет басшысы Қасым-Жомарт Тоқаевтың Ұлттық қоғамдық сенім кеңесінде берген тапсырмасына сәйкес  Білім және ғылым министрлігі  «Оқуға құштар мектеп» жобасын бекіткен болатын. Осы жоба аясында мектеп кітапханасында «Жүректен кіріп, бойды алар..» Абай Құнанбаевтың шығармаларынан және М. Мақатаев туған күніне орай «Мұзарт шыңының мұзбалағы» атты поэзиялық шығармаларынан, Ж.Жабаевтың туған күніне «Өмірі өлең нар баба»  5-7, 8-9 сыныптар арасында  мәнерлеп оқу  байқауы ұйымдасдырылды.

2021 жылы «Қазақстандағы балалар мен жасөспірімдердің кітап оқуын қолдау жылы» аясында бастау алған «Тез оқуды үйренеміз» атты сайыс биылда жалғасын тауып кішкентай оқырмандарымыздың оқу  сауаттылығын, оқу техникасын жетілдіруде көп рөл атқаруда. Осы орайда мектеп кітапханасында   4 сыныптар арасында «Кел балалар оқылық» атты жылдам оқу сайысы ұйымдастырылды. Қатысушының оқыған уақытына , оқу мәнеріне, сұраққа жауап бергеніне  қарап жеңімпаздар анықталды. «Кітапты – көзді жұмғанға арзан, көзді ашқанға маржан» прозалық шығармалар бойынша көркем сөз оқу байқауы 

 6-7 сыныптар  арасында өтті.

Мектепте QR-код стенді орнатылған. Енді оқырмандар   ақын – жзушылардың шығармасын смартфон арқылы оқи алады. Бұл жоба «Цифрлық Қазақстан» мемлекеттік бағдарламасы аясында жүзеге асырылып отыр. Әр жастағы оқырмандарда кітапхана қызметтерін пайдалану сезімін ояту үшін кітапханаларда оқырманға арналған қосымша ақпаратты ұсынудың тиімді тәсілі ретінде QR-кодтар белсенді пайдаланылады. 

«Оқуға құштар мектеп» жобасы аясында мектепте Мәкен Әлібайұлының атындағы буккуроссинг бұрышы қойылған.

Мектеп оқушыларын көркем шығарма оқуға тарту мақсатында «Кел, балалар, оқылық» жиырма минуттық оқу жобасы бастау алды.

«№1 Жамбыл  атындағы орта мектебі» МКМ

«Оқуға құштар мектеп» жобасын іске асыру аясында

«Кітап оқитын адам – табысты адам»

(баяндама)

Кітапхана меңгерушісі:  Өнербекова С.Б.

                                                                2021 -2022 оқу жылы

                                                                                                                                             Мектеп директоры    -----------------            Қамзина Б.М.                                    

№1 Жамбыл атындағы орта мектеп кітапханасының  ІV- тоқсанның қозғалыс  есебі

      2021   жыл

Кітапхана меңгерушісі:                         Өнербекова С.Б.                                                                                                                                                                                                                                                                                                                

         №1 Жамбыл атындағы орта мектеп кітапханасының

2021 – 2022  оқу жылында   таратылған оқулықтардың

пайыздық мәліметі

                                            Кітапхана меңгерушісі:  Онербекова С.Б

2021-2022 оқу жылы     

   мектеп кітапханасының I-жарты жылдыққа 

атқарылған жұмыстарының есебі

    Тәуелсіз елді өркениетті әлемге танытатын дамыған елдер қатарында терезесі тең ететін күш- білім мен білімді ұрпақ. Қазіргі таңда жан- жақты  білім мен тәрбие берер еліміздегі бірден –бір руханият ордасы- кітапхана. Оқушылардың рухани қазына кітапқа деген талап- тілегі мен сұранысын қанағаттандыруды күннен – күнге жақсарта беру- уақыт талабы. Жас ұрпақты тәрбиелеуде кітапхананың орны ерекше.  Бүгінгі шәкірттер- ертеңгі ел тұтқасы. Болашақ мамандардың  көзі ашық, көкірегі ояу, заман талабына сай тұлға болып қалыптасуына тигізер әсері мол. Өйткені, тәрбие мен тәлім егіз ұғым десек, тәрбие мен білім берудің жаңа жолын кітапханадан табамыз.

                    Кітапхана- оқушылардың сапалы білімінің кепілі. Кітапхана-кітап арқылы жеке адамның жан-жақты білім алуымен қатар патриоттық  рухта тәрбиеленуіне, саяси сапасына қалыптастырып, ғылыми, кәсіби, мәдени дәрежесінің дамуына әсер ететін бірден-бір әлуметтік орын. Кітап мұхитында бағыт табуға, рухани тәрбие мен патриоттық тәрбиеден  өмірлік азық алуға көмектесетін кітапхана мен кітапханашы.Жас ұрпақтың бойында патриоттық, отансүйгіштік, адамгершілік, әділдік бауырмалдық қасиеттерді қалыптастыруда кітапхананың маңызы орасан зор.

 Кітапхана мектептің екінші қабатында 125,15кв.м көлемі кабинетінде орналасқан.

Мектеп кітапханасында жалпы кітап қоры -23601 дана

Көркем әдебиет- 7847 д

Оқулық- 15178 д

Әдістемелік әдебиет саны- 458 д

Электронды оқулық- 118 д

Жалпы кітап қоры – 23601 д

                                                Мектеп кітапханасындағы кітап қорының деңгейі

2021-2022 оқу жылындағы әдеби кітаптардың 

 оқылуының өсу деңгейі

Кітапханадағы  негізгі құжаттар:
             1. Мектеп кітапханасының қызметін реттейтін, басшылыққа алатын нормативтік құжаттар.

2. Кітапхананың жылдық айлық жоспарлары

3. Кітапхана жұмысының жылдық есебі.

4. Кітапхана  қорының өсуінің жинақ есебі  (құн есеп)

5. Кітапхана қорын жинақтау толықтыру кітаптары

6. Әдебиеттерді кітапхана қорынан шығару.

7. Кітапхана жұмысының күнделігі.

8. Оқулықтарды оқу қорынан шығару кесімдері.

9. Мүлік кітаптары

    Педагогика қызметкерлері үшін әдістемелік оқу құралдары да жеткілікті: Осы оқу жылына  450  дана әдістемелік нұсқаулар, анықтамалар, кестелер,ұстаздарға арналған әдістемелік , ғылыми-танымдық оқулықтарды мұғалімдер күнделікті сабақтарына үнемі қолданып отырады.

Жылдан жылға қызықты әдеби-көркем кітаптарымызбен оқырмандарымызды қамтамсыз етілуі  саны өсіп келеді. Оқырмандардың кітап оқу мәдениетінің дәрежесін көтеру, әдебиеттерді кеңірек қолдануды насихаттау шараларын тиімді ұйымдастыруды басшылыққа алды. Әдебиеттерді насихаттау үш тақырыптық кітап көрмелері ұйымдастырылды. Мысалы: « Туған елге ту болған- Тәуелсіздік», «Ұлт тірегі тіл », оқырмандардың жас ерекшеліктеріне қарай бүлдіршіндерге арналған « Ертегілер ордасы», 5-8 сынып оқушылары қызығып оқитын «қызықты әңгімелер» атты кітап көрмелері ұйымдастырылды. Биылғы оқу жылындағы кітап көрмелері: «Рухани жаңғыру – ұлттың ұлы мұраты», «Жаңа әлемдегі Қазақстан», оқырмандарды туған жер тарихымен, экономикасы , өмірімен кеңінен таныстыра алады. «Тарих тағылымы»әдебиеттер сөресінде ерте заманнан бастап, Ұлы Отан соғысы жылдарындағы тарихымызға байланысты әдебиеттер топтастырылған. «Айбарлы Ата Заң» сөресінде заң және құқық туралы кітаптар бар. «Фантастика әлемінде» кітап сөресі оқырмандарға қызықты әңгімелер және хикаяттар ұсынады. Бастауыш сынып оқушыларына арналған әдебиеттер «Ертегілер елінде»атты кітап көрмесінде орналасқан.. 

     Қазақстан Республикасы Конституциясы   еліміздің ұлттық саяси – құқықтық жүйесінің мәйегі, оның мемлекеттілігі мен заңдық негізі. Кітапханда «Ата заң: Тәуелсіздіктің теңдесіз тартуы» библиографиялық дайджест, «Ата заң – мемлекеттіліктің берік кепілі» атты тақырыптық көрме осылардың дәлелі.

    Оқырмандарды  кітапхана ережесімен таныстыратын: «Кітапхана  ережесі» атты көрнекі құрал ілінген. Мерзімді баспасөз басылымдарына арналған мақалалар газет-журнал мақалаларының картотекасында берілген. Оқырмандар қажетті мәліметті тақырыптық тігінділер   арқылы  іздестіре алады. Оқушылармен өткізілген әңгімелер әр түрлі тақырыптарға арналған: «Ең ұлы ұлт – тілін сақтаған ұлт»  библиогид ұйымдастырылды. 

     Қоғам қайраткері, жазушы, әдебиеттанушы (1873-1938) Ахмет Байтұрсыновтың туғанына 150 жыл мерей тойына «Ахмет Байтұрсынұлы –кемеңгер қоғам қайраткері» атты 9-11 сыныптар арасында тұғатану өтті.    

 Балалардың жеке мәдениетін қалыптастыруға ықпал ету, өнегелі эстетикалық тәрбие беру   мақсатында : «Әдептілікке   жатпайтын әдеттер » «Алдымен ардақта ата- атаңды» атты әңгімелер өткізіліп,  тақырыпқа байланысты кітаптар ұсынылды.

Мектеп кітапханасында «Рухани жаңғыру» бағдарламасы аясында қолға алынған  жобалардың бірі – «Оқуға тиіс 100 кітап» жобасы. Осы жоба аясында «Сиқырлы» кітаптар елінде (1-4) сыныптар арасында ертегілер еліне саяхат жүргізілді. «Менің сүйікті кейіпкерім» 2-4 ұйымдастырылды.  

Оқушыларға оқулықтардың  сақталуы, ұсталуы туралы, мемлекет мүлкіне ұқыптылықпен  қарап, көңіл бөлуге тәрбиелеу мақсатында: « Кітапты аяла», «Кітаптарға ұзақ ғұмыр  тілеймін», « Оқушыларды ұқыптылыққа тәрбиелеу» атты әңгімелер өткізілді. 

Оқушылардың кітапханалық- библиографиялық білімін қалыптастыру мақсатында анықтамалармен, сөздіктермен, энциклопедиялармен жұмыс жасай білуге, каталог, картотекаларды қолдана білуге үйрету үшін кітапханалық   сабақтар өткізілді. 3- сыныптар арасында «Кітапхана – білім ордасы» әдеби кеш өткізілді. 

 Қазан айында жыл сайын 1- сынып оқушылары кітапханамен танысады.Балалар «Ақылды кітапқа қонаққа бару» атты кітаптар әлемімен кездеседі. Жалпы шолу жасалынып, ертегі кітаптармен таныстырылады. 

    Қарт адамдар қашанда береке. Елдің елдігі, ұрпақтың есендігі сол көне көз шежірелердің арқасында сақталып келеді. Қоғамдық өміріміздегі тәлім – тәрбиенің тізгінін тең ұстап, ауыл үйді аузына қаратқан қарттар, қым – қуат тірліктің қай мәселесінде де шалғай сөйлеп, шатасар пенде емес. Ұлан байтақ қазақ жерінің қай тұсында өмір ағымының тат баспас тазалығын сақтаған қариялар пікірі бүгінде аңызға айналып отыр. Осыған орай кітапханада   «Қариясы бар елдің – қазынасы бар» атты кітап көрме ұйымдастырылды.  

Тәуелсіздік алғалы бергі жеке мемлекет ретінде күнтізбеміздің парағына 

«1-желтоқсан Тұңғыш Президент күні» деген жаңа мереке жазылды. Қазақстан Республикасының Тұңғыш Президенті, Елбасы Н.Ә.Назарбаев- қоғамды топтастырушы басты тұлға. Бұл сан ғасырлар бабалар аңсаған еркіндікке қолымыз жеткенде елінің көшін бастап, тізгінін ұстап, қиын- қыстау кезеңнен туған халқын, жарқын болашақ, жайдарлы күнге алып келген еліміздің Тұңғыш Президенті, Ұлт Көшбасшысы   Н.Ә.Назарбаевқа деген үлкен құрметтің бірі. Қазақстанның қарыштап дамуы, тәуелсіздік тұғырының берік болуы мемлекет басшысы Н.Ә. Назарбаевтың есімімен тығыз байланысты. Н.Назарбаевтың сарабдал саясатының жемісі, халқымыздың бірлігі мен ынтымағының жарасқандығының айқын белгісі деп айтуға негіз бар. Ол- халқым аман, бейбітшілікте, бірлікте болсын деген ұлы мақсат. Елбасы болашақтың өзекті мәселесі мен өркендеудің нақты жоспарын жасақтап, сол мақсаттарға қол жеткізу үшін жағдай туғызды. Осыған орай кітапханада «Ұлт көшбасшысы және тәуелсіздік»  әдеби танымдық  кеш 7 сыныптар арасында ұйымдастырылды.     Тәуелсіздіктің 30 жылдығына  орай «Болашақты нұрландырған Тәуелсіздік» әдеби- тарихи  кеш, «Туы биік, тұғыры мығым - Тәуелсіздік» көрме ұйымдастырылды.

Мобильді QR кітапхана

Мақсаты: оқушыларға электронды кітапхана, мобильді кітапхана туралы түсінік беру.Оқырмандарға көркем әдеби шығармалардың қол жетімділігін ұйымдастыру. Мобильді кітапханалар – бұл кітапхананың жаңа қызметі, тәжірибелік біліктілік, келешек. Қазіргі уақытта адамдар интернет желісіне  смартфондардың көмегімен кіріп, керек ақпаратқа қол жеткізе алады. Осыған орай мектеп кітапханамызда оқырмандарға қолжетімді болсын деген мақсатта көркем әдебиеттердің бірнеше топтамасынан «Мобильді QR кітапхана» ұйымдастырылды

 Мектеп директоры

Қамзина Б.М

 «___»___________2021 ж

Мемлекет басшысы Қ.К.Тоқаевтың Ұлттық қоғамдық сенім кеңесінің төртінші отырысында берген тапсырмасын орындау мақсатында жасалған «Оқуға құштар мектеп» жобасын іске асыру жөнінде  құрылған іс-шара жоспары

«№1 Жамбыл  атындағы орта мектебі» МКМ

ЖОБАНЫҢ ӨЗЕКТІЛІГІ:

 ...Беделді халықаралық зерттеулердің нәтижелері біздің оқушыларымызда оқу сауаттылығы дағдылары тиісті деңгейде дамымағанын көрсетеді. Сондықтан жоғары оқу мәдениетіне баулу, оқу сауаттылығын дамыту қазақстандық мектептердегі білім беру үдерісінің басым бағыттарының бірі болуы тиіс. Оқуға деген қызығушылық, кітап арқылы қоршаған әлемді тану балаларда мектеп қабырғасынан қалыптасуы керек. Кітапхана осы қызығушылықтың орталығы, кітаптардың қызықты әлеміне жетелейтін орын болуы керек".

(Мемлекет басшысы Қ.Тоқаевтың 22.10.2020ж. Ұлттық қоғамдық сенім кеңесінің IV отырысында сөйлеген сөздерінен)

Осы маңызды құжаттардың мақсаты Қазақстанда балалардың шығармашылық дамуы үшін «ОҚЫРМАН БАЛАЛЫҚ ШАҚ» атты белсенді орта құру болып табылады.

Соңғы уақытта ақпараттық технологиялардың қарқынды дамуына байланысты балалардың қазіргі ұрпағы кітап оқуға деген сүйіспеншілігі мен әдетін, зияттық және бір-бірімен шығармашылық қарым-қатынас жасау қабілетін жоғалтты. Нәтижесінде балалардың танымдық белсенділігі, кретивті ойлау қабілеті, тілдік және сөйлеу құзыреттілігі, толеранттылығы төмендеп кетті.

Кітап оқу - бұл күрделі интеллектуалды процесс, онсыз өмір бойы оқу мүмкін емес. Кітап оқу - кез-келген ақпаратпен жұмыс істеудің негізі болып табылады: ауызша және жазбаша, дәстүрлі  және жаңа электрондық кітап. Кітап оқи отырып, адам уақыт өте келе, өзінің дүниетанымын қалыптастырады, оның әлемге деген көзқарасы тереңдей түседі және кеңейеді.   Құндылықтарға деген көзқарасы қайта қаралып, қалыптасады. 

Көптеген кітаптар өзін-өзі тануға, өзін-өзі жетілдіруге, нәтижелерін арттыруға ынталандырады және шабыттандырады. Сондықтан балаларды ерте жастан бастап өмір бойы жақсы көркемдік талғамға, күн сайын кітаппен «дос» болуға, кітап оқу арқылы білім әлемін шарлауға үйрету өте маңызды. Бұған біздің "Оқуға құштар мектеп" жобамыздың іске асырылуы ықпал етеді.

ЖОБАНЫҢ МАҚСАТЫ:

Оқушылардың оқу мәдениетінің деңгейін және олардың оқу белсенділігінің өсуін арттыру; жас ұрпақ бойында азаматтық, рухани-адамгершілік құндылықтарды қалыптастыру; оқушылар, педагогтер және ата-аналар арасында оқуды танымал ету үшін жағдай жасау. Мектеп кітапханаларына қоғамның назарын аудару.

МІНДЕТТЕРІ:

• Оқу құзыреттілігін арттыру және оқуға тарту мақсатында оқушылардың

оқырмандық қызығушылықтарына әсер етудің белсенді формалары мен әдістерін, педагогикалық идеяларын іздеу;

• Мектеп оқушыларының оқырмандық белсенділігін ұйымдастыру және оқушылардың сабақтан тыс іс-әрекеттегі оқырмандық қалауын ескере отырып, отбасылық оқуды насихаттау жөніндегі іс-шаралар жоспарын әзірлеу;
• Мектеп кітапханаларын ресурстық ақпараттық-кітапханалық және мәдени-ағарту орталықтары ретінде дамытуға ықпал ету ;
• Кітап оқуды алға жылжыту бойынша жұмыс тәжірибесін анықтау,   жинақтау және тарату;
• Ата-аналарды балаларының кітап оқуға белсенділігін қолдауға тарту, оларға отбасылық бос уақытты кітап оқу ортасына айналдырып, рухани қарым-қатынас жасауға көмек көрсету;
• Отбасылық  кітап оқу дәстүрлерін  жандандыру;

КҮТІЛЕТІН НӘТИЖЕ:

- Мектеп кітапханалары жұмысының әдістемесі мен практикасына инновациялық жобалар мен технологиялар апробацияланады және енгізіледі;

- Мұғалімдердің, кітапханашылардың әдістемелік материалдар банкі жинақталады;

-  Жұмыс тәжірибесі жинақталады және таратылады;

-  Отбасылық кітап оқу дәстүрі жаңғыртылады;

- Мектеп кітапханаларының ақпараттық ресурстарын пайдаланушылар саны артады;

- Балалардың жүйелі, шығармашылық, дамытушылық оқу дағдылары қалыптасады.

ЖОБАНЫҢ ЖОЛ КАРТАСЫ

"ОҚУҒА ҚҰШТАР МЕКТЕП" ЖОБАСЫН ІСКЕ АСЫРУ ЖОСПАРЫ

                                                                           Кітапхана меңгерушісі:                             Онербекова С.Б

Кітапханашы                                               Нақысбаева С.Қ

Мектеп директоры           ҚамзинаБ.М.                                                                                                                                                                                                                                                                                                                                        директордың оқу ісі орынбасары   

      ------------------------                                                                                                                                                   Бөртебаева А.Ә.

                                                                                                                                                                                                   -----------------------

----- --  ------- 2021 ж                                                                                                                                                        -----------      ----------- 2021ж

№1 Жамбыл атындағы орта мектеп  кітапханасының

2021 – 2022 оқу жылына жұмыс жоспары

Кітапхана жұмысының мақсаты:

• Жас  ұрпақ зердесіне ұлтқа тән рухани құндылығымызды ұялататын халықтық тәрбие тағылымдарын, салауатты өмір 

       салтын насихаттау;
 - Ұлтымыздың сан ғасырлық өмір-тіршілігі тәжірибесі де қорытылып, үзілмес рухани желі тартып келе жатқан озық салт-дәстүрлерін, өнер-білімдерін жан-жақты тарату,
 - Тілі мен дінінің, тарихы мен дүниетанымдылығын насихаттай отырып, елжандылыққа, отансүюшілікке баулу;
 - Егеменді еліміздің ертеңіне тіреу, іргесіне сүйеу болатын жастарымызды жан-жақты жетілдіруге байланысты этнопедагогика, жантану, тарих, филология, математика және т.б. ғылыми салалардағы тәжрибелерді, ғылыми зерттеулерді, әдістемелік сипаттағы материалдарды үзбей насихаттау;
 - Жастарымыздың ой-санасымен талғам таразысын жан-жақты дамуына әсер ететін дүниежүзінде болып жатқан саяси жаңалықтармен үнемі хабардар ету .                                                            

Кітапхана жұмысының міндеті:

   - Кітапханаға оқырмандарды үнемі тартып отыру;
    - Кітапхананың қорын насихаттау;
    - Оқырмандарға абонементте және оқу залында қызмет көрсету;
    - Кітап қорын толықтыру;
    - Кітап қорын ретке келтіре отырып, алфавиттік және жүйелі каталогтар ұйымдастыру;
    - Мәдени көпшілік жұмыстар жүргізу;.
    - Оқу жылы бойы  оқулықтармен,  жаңа кітаптармен, борышкерлермен жұмыс жүргізу;
    - Мектепшілік өткізілетін жұмыстарға материалдар жинақтау;
    - Жаңа әдеби кітаптардың ұсынба тізімдерін жасау. 

                                                                       Кітапхана меңгерушісі:                     Өнербекова С.Б.

                                                                        Кітапханашы:                                     Нақысбаева С.Т. 

№1 Жамбыл атындағы орта мектеп  кітапханасының

2021 – 2022 оқу жылына жұмыс жоспары